Душанбе, 25 май. - Дар чорабинии мазкур аз ҷониби сафорати Ҷумҳурии Тоҷикистон дар Иёлоти Муттаҳидаи Амрико гӯшаи фарҳангии Тоҷикистон ташкил карда шуд, ки дар он нигораҳои фарҳангӣ (сӯзаниҳо, асбобҳои мусиқӣ, либосҳои миллӣ, намудҳои сангҳо ва зарфҳои сафолӣ, аксҳо ва китобҳо) ба намоиш гузошта шуданд. Ҳамзамон, ҳунармандони тоҷик дар саҳнаи ҷашнвора бо мусиқӣ ва рақсҳои тоҷикӣ баромад карданд.

Зимни чорабинии мазкур намояндагони сафорат дар гӯшаи фарҳангии Тоҷикистон ба тамошобинон ва меҳмонон оид ба фарҳанги тоҷикон, бахусус дастовардҳои кишвар дар давраи истиқлолият маълумот доданд. Ҷашнвораи зикргардида дар назди бинои Конгресси ИМА бо иштироки намояндагони кишварҳои мухталифи Осиё барпо гардид.

Дар чорабинии мазкур замимаи махсуси маҷаллаи «The Washington Diplomat» таҳти унвони «Тоҷикистон – шарики стратегӣ дар минтақаи бӯҳронӣ» миёни иштирокчиён паҳн карда шуд.