Ғолиби бозиҳои олимпро хона интизор аст
24 июн 2011 | Хонданд: 632 нафар | Варзиш
Бо мақсади дастгирии варзишгарони умедбахш дар пойтахт Раиси шаҳри Душанбе Маҳмадсаид Убайдуллоев қарор «Дар бораи дастгирӣ ва ҳавасмандгардонии варзишгарони беҳтарини шаҳри Душанбе»-ро ба тасвиб расонд.
Душанбе, 24 июн. - Тибқи он варзишгарони беҳтарин, ки дар бозиҳои олимпӣ ҷои аввалро ишғол менамоянд, соҳиби хонаи истиқоматии 2 ҳуҷрадор аз пойтахти кишвар гардида, бо унвони шаҳрванди ифтихории шаҳри Душанбе сазовор дониста мешаванд.
Инчунин, варзишгароне, ки дар бозиҳои олимпӣ ҷойҳои дуюм ва сеюмро касб менамоянд, бо маблағи 45 ҳазор ва 35 ҳазор сомонӣ қадрдонӣ мегарданд. Ғолибони зинаи аввал дар Чемпионати ҷаҳонро аз намудҳои олимпӣ 20 ҳазор сомонӣ интизор аст.
