Бахшида ба 20-солагии Истиқлолияти давлатии Ҷумҳурии Тоҷикистон 9-10 июл мусобиқаи кушоди ҷумҳуриявӣ оид ба гуштини миллӣ дар ноҳияи Ҷиргатол баргузор мегардад.
Душанбе, 23 июн. - Дар ин мусобиқа аз вилояти Хатлон 2 даста, Суғд - 2 даста, ВМКБ -2 даста, Душанбе- 2 даста, навоҳии тобеи марказ -1 даста, водии Рашт -1 даста ва аз Ҷиргатол 1 даста ширкат хоҳанд кард.
Санаи 22 июли соли ҷорӣ бошад, дар шаҳри Душанбе мусобиқаи ҷумҳуриявӣ оид ба «Брейк-данс» доир мегардад. Дар назар аст, ки дар ин чорабинӣ дастаҳои вилоёти Суғд, Хатлон, шаҳри Душанбе ва навоҳии тобеи марказ ширкат намоянд.
Инчунин, 2 -3 июли соли ҷорӣ дар шаҳри Душанбе мусобиқаи кушоди ҷумҳуриявӣ оид ба велосипедронӣ доир мегардад.
