Душанбе, 7 июн. - Ин аст, ки бо мақсади ҷалби наврасон ва ҷавонон ба машғулиятҳои мунтазами варзишӣ, такмилу инкишофи ҳамаҷонибаи варзиш дар қаламрави кишвар ва таҳкими ваҳдату ягонагӣ миёни ҷавонон, бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бахшида ба 20-солагии Истиқлолияти давлатии Тоҷикистон 25-26 июни соли ҷорӣ чемпионати Ҷумҳурии Тоҷикистон оид ба каратеи анъанавӣ дар шаҳри Хуҷанд доир мегардад.

Дар чемпионат ширкати ҳайати дастаҳои вилдояти Хатлон (1 ҳайат), Суғд (3 ҳайат), ВМКБ (1 ҳайат), шаҳри Душанбе (1 ҳайат ), шаҳру навоҳии тобеи марказ (1 ҳайат), Қирғизистон (1 ҳайат) ва Ӯзбекистон (1 ҳайат) дар назар аст.

Ҳамчунин, Кумитаи мазкур тасмим гирифтааст, ки аз 21 то 29 июни соли равон дар шаҳри Кӯлоби вилояти Хатлон мусобиқаи ҷӯмҳуриявӣ оид ба шоҳмоти классикӣ, блитс ва тезбозикунанда доир намояд.

Дар ин мусобиқа варзишгарони синни 8, 10, 12, 14, 16 ва 18 солаи вилояти Суғд (1 даста), Хатлон (2 даста), ВМКБ (1 даста), шаҳри Душанбе (2 даста) ва навоҳии тобеи марказ (1 даста) рақобат хоҳанд кард.

Ғолибони мусобиқа бо тӯҳфаҳои хотиравии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва тӯҳфаҳои Федератсияи шоҳмоти мамлакат қадрдонӣ хоҳанд шуд.