Аз 25 то 30 апрели соли равон дар шаҳри Атираи кишвари Қазоқистон мусобиқаи байналмилӣ оид ба бокс,
ки ба хотираи қаҳрамонони миллати қазоқ Исатой Ғайматов ва Макамбет Утемизов бахшида шуда буд, баргузор гардид. Дар он варзишгарон аз 6 мамлакат, аз ҷумла Русия, Украина, Муғулистон, Ӯзбекистон, Тоҷикистон ва Қазоқистон ширкат варзиданд.
Кишвари моро дар ин мусобиқа 3 нафар аъзои дастаи мунтахаби ҷумҳурӣ оид ба бокс Юсуфӣ Сафовиддин, Баҳодур Каримов ва Ораз Авзалшоев таҳти роҳбарии устоди бокс, довари дараҷаи байналмилалӣ Муҳиддинов М.Т. намояндагӣ карда, бо натиҷаҳои назаррас: Юсуфӣ Сафовиддин (дар вазни то 52 кг) ҷойи аввал, Баҳодур Каримов (дар вазни то 64кг) ва Ораз Авзалшоев (дар вазни то 56кг) ҷойи сеюмро соҳиб гардида ба ватан баргаштанд.
