Душанбе, 4 май. - Барои иштирок дар кори он ба Ҷумҳурии Тоҷикистон Директори генералии Шӯрои Олимпии Осиё Ҳусейн ал Мусаллам, Субово Рита- раиси Кумитаи ҳамкориҳои байналмилалии Шӯрои олимпии Осиё ва дигар аъзои кумитаи мазкур сафари дурӯза анҷом медиҳанд.

Дар рафти ҷаласа масъалаҳои вобаста ба рушди ҳаракати олимпӣ ва ҳамкориҳои байналмилалии Шӯрои олимпии Осиё мавриди баррасӣ қарор дода мешаванд.

Ёдовар мешавем, ки ба Шӯрои олимпии Осиё 50 кишвари қитъаи Осиё аъзо мебошанд. Дар рафти бозиҳои Осиёӣ, ки тирамоҳи соли 2010 дар шаҳри Гуанҷоу Ҷумҳурии Мардумии Хитой баргузор гардида буд, ҳамон вақт бо пешниҳоди Президенти Шӯрои Олимпии Осиё Шайх Аҳмад-ал Фаҳад-ал Сабоҳ ноиби Раиси федератсияи футболи Тоҷикистон- Рустами Эмомалӣ якдилона ба аъзогии Кумитаи ҳамкориҳои байналмилалии Шӯрои Олимпии Осиё интихоб гардид.

Иштирокҷиёни ҷаласа ҳамзамон аз иншооти варзишӣ дидан карда, бо мавзеъҳои таърихии кишвар ошно мешаванд.