Душанбе, 24 феврал. - 1. Санаи 5-6 марти соли ҷорӣ дар Корхонаи воҳиди давлатии «Варзишгоҳи марказии ҷумҳуриявӣ» - и шаҳри Душанбе мусобиқаи ҷумҳуриявӣ оид ба варзиши сабук баргузор мегардад.

Дар мусобиқаи мазкур дастаҳои варзишӣ аз шаҳри Душанбе, вилояти Хатлон, вилояти Суғд, ВМКБ, ноҳияҳои тобеи ҷумҳурӣ ва минтақаи Рашт дар масофаҳои зерин:

Мардҳо 60 м, 200 м, 400 м, 800 м, 1500 м, 3000 м, 60 м бо монеаҳо, эстафетаи 4 х 400 м, ядро, диск, партофти найза, путк, ҷаҳидан ба баландӣ, ҷаҳидан ба дарозӣ ва ҷаҳиши секарата (сепар).

Занҳо 60 м, 200 м, 400 м, 800 м, 1500 м, 3000 м, 60 м бо монеаҳо, эстафетаи 4 х 400 м, ядро, диск, партофти найза, путк, ҷаҳидан ба баландӣ, ҷаҳидан ба дарозӣ ва ҷаҳиши секарата (сепар) иштирок менамоянд.

2. 9 - 10 марти соли равон мусобиқаи ҷумҳуриявӣ оид ба вазнбардорӣ миёни дастпарварони мактабҳои варзишии то синни 18 сола дар шаҳри Қурғонтеппаи вилояти Хатлон дар вазнҳои то 42 кг, 46 кг, 50кг, 56 кг, 62 кг, 69 кг, 77 кг ва +77 кг доир мегардад.

3. Мусобиқаи ҷумҳуриявӣ оид ба дзю - до байни наврасони солҳои таваллудашон 1995, 1996 ва 1997 аз санаи 11 то 13 марти соли 2011 дар ноҳияи Ҳисор аз рӯи вазнҳои зайл: 50 кг, 55 кг, 60 кг, 66 кг, 73 кг, 81 кг, 90 кг ва +90 кг барпо мешавад.

4. Санаи 11 - 13 марти соли 20011 мусобиқаи ҷумҳуриявӣ оид ба гӯштини самбо байни наврасони солҳои таваллудашон 1993, 1994 ва 1995 дар ноҳияи Ёвон аз рӯи вазнҳои 48 кг, 52 кг, 56 кг, 60 кг, 65 кг, 70кг, 75 кг, 81 кг, 87 кг ва аз 87 кг боло доир мегардад.

5. Мусобиқаи ҷумҳуриявӣ оид ба гӯштини юнонӣ- румӣ байни ҷавонон аз санаи 17 - 18 марти соли 2011 дар шаҳри Истаравшан баргузор гардида, дар он варзишгарон аз рӯи вазнҳои то 50 кг, то 55 кг, то 60 кг, то 66 кг, то 74 кг, то 84 кг, то 90 кг ва 120 кг иштирок менамоянд. Дар ин бора ба АМИТ «Ховар» аз бахши иттилоотию таҳлилии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон иттилоъ доданд.