Душанбе, 3 феврал. (ТВ "Сафина", М. Ҳусейнов) - Ин мусобиқаи анъанавӣ ба хотираи Қаҳрамони Иттиҳоди Шўравӣ Дуйшенқул Шопоков дар пойтахти Қирғизистон тўли шаш рўз идома кард.
Дар рақобатҳо беш аз 200 муштзан аз Қазоқистон, Қирғизистон, Русия, Тоҷикистон, Ўзбекистон ва Чин ширкат доштанд. Дар ин мусобиқа Тоҷикистонро ҳафт муштзан намояндагӣ кард. Собирҷон Назаров дар вазни то 75 кг ва Меҳроҷиддин Каримов дар вазни беш аз 91 кг мақоми дуюмро ба даст оварданд. Панҷ муштзани дигари тоҷик - дар даврҳои аввалу дуюм шикаст хўрданд.