Душанбе, 12 декабр. - Ин навбат футболбозони «Шодмон»-и Ҳисор чун дастаи «Гвардия» дар бозии пешина, ки бо натиҷаи 10 бар 0 шикаст хӯрда буд, бо ҳисоби 8 бар 0 саркӯб гардиданд. Дар ин вохӯрӣ Юсуф Рабиев ба дарвозаи меҳмонон се тӯб зада, хетт-трик кард ва шумораи голҳояшро дар чемпионат ба 29 адад расонид. Ҳамкасби ӯ Фарҳод Тоиров аз дастаи «Истиқлол» бо 26 тӯб Юсуфро дунбола мекунад. Ҳамин тавр, «Истиқлол» аз 35 вохӯрӣ соҳиби 93 имтиёз гардида, дар садри ҷадвали мусобиқа ҷойгир аст. Дастаи «Регар ТадАЗ» аз 38 вохӯрӣ бо 92 хол дар зинаи дуввум мақом гирифтааст. Бозии навбатии мавқуфгузоштаи «Истиқлол» аз даври 35 –ум рӯзи 15 декабр бо тими «Гвардия» баргузор мешавад.