Варзиш
22 ноябр 2011 | Хонданд: 231 нафар | Варзиш
Бозиҳои даври 42-юми сабқати лигаи олии футболи Тоҷикистон поён ёфтанд. Дастаи "Истиқлол"-и Душанбе дар варзишгоҳи "Авиатор"-и пойтахт бар тими "Парвоз"-и Бобоҷон Ғафуров бо ҳисоби 5:0 пирӯз шуд.
Душанбе, 22 ноябр. (ТВ "Сафина") - Дастаи "Регар-ТадАЗ" - и Турсунзода дар майдони худ тими "Гвардия" - и Душанберо бо ҳисоби 10:0 шикаст дод.
Дастаи "Хуҷанд" - и Хуҷанд дар меҳмонӣ тими "Шодмон" - и Ҳисорро бо ҳисоби 2:1 мағлуб кард.
Даври 42-юми мусобиқот дар варзишгоҳи "Политехникум" - и Душанбе бо бозии дастаҳои ССКА "Помир" ва "Вахш" - и Қӯрғонтеппа оғоз гардид ва бозӣ бо ҳисоби 1:1 хотима ёфт.
Дар бозии даври 42-юм дастаи меҳмон - "Равшан" - и Кӯлоб ба иллати аз мусобиқот даст кашидани рақибаш - "Хайр" - и Ваҳдат бо ҳисоби фаннии 3:0 ғолиб дониста шуд. Дар ҳамин ҳол дар ҷадвали мусобиқот "Равшан" бо 86 имтиёз аз 37 бозӣ дар ҷои аввал аст.
"Регар-ТадАЗ" бо 76 имтиёз аз 32 бозӣ дар ҷои дуввум мебошад.
"Истиқлол", ки ҳамагӣ 27 бозӣ кардааст, бо 71 имтиёз дар ҷои севум қарор дорад.
