Душанбе, 16 ноябр. - (ТВ"Сафина" М. Хусейнов). - Мусобиқаи қаҳрамонии ҷаҳонии самбои варзишӣ миёни мардону занон ва самбои размӣ миёни мардон сурат гирифт. Гуштигирони тоҷик дар сабқати мардон дар риштаи самбои варзишӣ қувваозмоӣ карданд. Мунтахаби Русия дар ҳисоби умумидастаӣ бо касби 25 медал (14 тилло, 8 нуқра ва 3 биринҷӣ) ғолиб шуд. Дар сабқати мардон дар риштаи самбои варзишӣ низ дастаи Русия бо касби 8 медал дар ҷои аввал қарор гирифт. Бояд тазаккур дод, ки пас аз пирӯзии Саидмӯъмин Раҳимов дар мусобиқаи қаҳрамонии ҷаҳон соли 1975 дар шаҳри Мински Беларус, ягон гуштигири дигари Тоҷикистон то имрӯз дар риштаи самбо миёни бузургсолон медали тилло ба даст наовардааст.