Панҷумин ҷоми «Регар ТадАЗ»
27 октябр 2011 | Хонданд: 300 нафар | Варзиш
Дирӯз дар ҳузури беш аз 10 000 мухлис дар варзишгоҳи «Пахтакор» - и шахри Қурғонтеппа дастаи «Регар ТадАЗ» дар вохӯрии ниҳоии ҷоми ҷумҳурӣ бар чемпиони соли гузаштаи мамлакат- дастаи «Истиқлол»-и Душанбе
бо натиҷаи 1 бар 0 ғалаба карда, маротибаи панҷум соҳиби ҷоми ҷумҳурӣ гардид.Душанбе, 27 октябр. - Тӯби ягонаи задаи Ҷамшед Исмоилов дар дақиқаи 61 –ум тақдири бозиро ба нафъи регариҳо ҳал кард. Ҳамин тавр, мавсими 20-умин ҷоми имсола ҳам ба анҷом расид. Ғайр аз «Регар ТадАЗ» дастаҳои “Хуҷанд”-и Хуҷанд се маротиба, “Варзоб”-и Душанбе, “Вахш”-и Қӯрғонтеппа, “Парвоз”-и Бобоҷон Ғафуров ва “Истиқлол”-и Душанбе ду маротиба , “Помир”-и Душанбе, “Ситора”-и Душанбе, “Равшан”-и Кӯлоб ва “Пахтакор”-и ноҳияи Ҷаббор Расулов ҷоми Тоҷикистонро ба даст овардаанд.
