Дар давоми се рӯз дар маҷмааи тозабунёди Хадамоти алоқаи ҷумҳурӣ аввалин мусобиқаи байналмилалӣ дар риштаи бокс барои ҷоми клуби «Шоҳона» гузаронида шуд.
Душанбе, 25 октябр. - Байни бонувон дар вазни 48 кг Шабнам Раҳимӣ аз Афғонистон, дар вазни 57 кг Шаҳноза Умматшоева аз шаҳри Кӯлоб ва дар вазни 64 кг Мавзуна Чориева аз клуби «Шоҳона» соҳиби ҷойи аввал шуданд. Байни мардон дар вазнҳои худ Файзмаҳмад Малахбеков, Алиҷон Мирзоев, Собир Назаров ва Меҳроҷ Каримов аз шаҳри Душанбе, Ҳабиб Марадисейнов аз Бадахшон, Ҳасан Мӯсоев, Субҳон Холов, Рустам Раҳмонов ва Константин Макраусов аз клуби «Шоҳона», Жағисбек Жусипов аз Қазоқистон ғолиб омаданд. Дар ҳисоби даставӣ ғолибият насиби клуби «Шоҳона» гардид.
