«Манчестер Юнайтед» шармсор шуд.
24 октябр 2011 | Хонданд: 251 нафар | Варзиш
Дар даври 9-уми чемпионати Англия мухлисони дастаи «Манчестер Юнайтед» маъюсу ноумед шуданд. Дилбохтаи онҳо дар майдони худ аз меҳмонаш «Манчестер Сити» бо ҳисоби калони 1 бар 6 шикаст хӯрд.
Душанбе, 24 октябр. - Дар варзишгоҳи «Олд Траффорд» футболбозони «Манчестер» аз соли 1955 ин ҷониб ба чунин шикаст рӯ ба рӯ нашуда буданд. Сармураббии даста Алекс Вергюсон арз кардааст, ки дар давоми 24 соли кораш ва аз давраи дар майдон бозӣ карданаш чунин ҳисоби таҳқиромезро надидааст. «Манчестер Сити» фарқи холҳояшро бо «Манчестер Юнайтед» ба 5 адад расонида ва дар сатри аввали ҷадвали мусобиқа қарор гирифт. Дар ин давр «Арсенал» бар «Стоук Сити» бо ҳисоби 3 бар 1 ғалаба кард. «Эвертон» ва « Тотенҳем» дар меҳмонӣ « Фулҳем» ва Блекберн» -ро бо натиҷаҳои 3 бар 1 ва 2 бар 1 мағлуб намуданд.
АМИТ «Ховар»
