Комёбии самбочиёни тоҷик
17 октябр 2011 | Хонданд: 254 нафар | Варзиш
Дар мусобиқаи ҷаҳонии самбо байни ҷавонон ва наврасон, ки дирӯз дар шаҳри Рига ба анҷом расид, пахлавони тоҷик Комроншоҳи Устопириён дар вазни 81 килограмм соҳиби мақоми аввал гардида, бо медали тиллои мусобиқа сарфароз гардид.
Душанбе, 17 октябр. - Ӯ ҳарифони худ- Минас Мадоянро аз Арманистон, Ризо Тсулукидзеро аз Гурҷистон ва Дмитрий Лукашинскийро аз Беларус мағлуб карда, дар вохӯрии финалӣ бар Ивайло Иванови булғор пирӯзӣ ба даст овард.Дар вазни 56 килограмм ба паҳлавони дигари мо Хушқадам Хисравов муяссар шуд, ки медали биринҷии чемпионатро сазовор гардад. Ӯ дар вохӯрии нимнихоӣ аз паҳлавони қазоқ Елеман Касумбоев мағлуб шуд. Дар ин вазн Савва Каракизиди аз Русия чемпион гардид.Дар вазни 52 килограмм Азизи Муҳамамадризвон, дар вазни 65 килограм Умархон Баҳодуров, дар вазни 87 килограмм Қандилҷони Рустамзода ва дар вазни 74 кг Деваштич Убайдӣ дар вохӯрии аввалашон аз ҳарифон мағлуб шуданд. Зайналобудини Аъзамхон дар вазни 82 килограмм муваффақ шуд, ки ҳарифи нахустини худ Игор Книшро аз Украина мағлуб карда, аз ҳарифи дуюмаш Иля Якошук аз ҷумҳурии Беларус мағлуб шавад.
