Душанбе, 6 октябр. (ТВ «Сафина», М.Ҳусейнов). – Ӯ дар пайи пирўзӣ бар Сергей Водопянов ба даври ниманиҳоии мусобиқоти қаҳрамонии ҷаҳон дар Бокуи Озарбойҷон роҳ ёфт. Баъди шикасти муштзанҳои дигари тоҷик - Мададӣ Нағзибеков ва Ҷаҳон Қурбонов дар даври ҳаштякниҳоӣ, Анвар охирин муштзани тоҷик аст, ки бо вуҷуди ба даст овардани роҳхат ба Олимпиадаи соли оянда дар Лондон муборизаро барои унвони қаҳрамонӣ дар Боку ҳамоно идома медиҳад. Ин муштзани тоҷик моҳи августи соли ҷорӣ дар мусобиқаи қаҳрамонии бокси Осиё дар Куриёи Ҷанубӣ ба унвони қаҳрамонӣ даст ёфта буд.

Дар ҳоли ҳозир Анвар Юнусов пас аз Дилшод Назаров, гуразандози шинохтаи тоҷик, дуввумин варзишгари кишвари мост, ки роҳхат ба Олимпиадаи Лондон-2012-ро ба даст овардааст.