Таэквандо ИТФ-и Тоҷикистон соҳиби 13 медал гардид
15 сентябр 2011 | Хонданд: 344 нафар | Варзиш
Дастаи мунтахаби таэквандо ИТФ - и Тоҷикистон дар мусобиқоти қаҳрамонии ҷаҳон дар шаҳри Пхеняни Куриёи Шимолӣ соҳиби 13 медал, аз он ҷумла ду нишони тилло гардид.
Душанбе, 15 сентябр. (ТВ «Сафина»). - Ба иттилои масъулини Федератсиюни таэквондо ИТФ ва кикбоксинги Тоҷикистон дар ин мусобиқоти ҷаҳонӣ миёни бузургсолон, ки маротибаи 17-ум баргузор шуд, варзишгарони 84 кишвар ширкат доштанд. Шарафи Тоҷикистонро 14 нафар ҳимоя карданд.
Дастаи мунтахаби Тоҷикистон бо 2 тилло - 5 нуқра- 6 биринҷӣ аз рўи ҳисоби умумидаставӣ пас аз тимҳои Куриёи Шимолӣ ва Русия дар ҷои севум қарор гирифт.
