Дзюдочиёни тоҷик дар мусобиқоти ҷаҳон иштирок менамоянд
10 август 2011 | Хонданд: 405 нафар | Варзиш
Шаш нафар гӯштингирони тарзи дзюдои тоҷик дар мусобиқоти ҷаҳон, ки аз 23 то 28 август дар шаҳри Париж баргузор мешавад, қувваозмоӣ менамоянд.
Душанбе, 10 август - Мувофиқи маълумоти сомонаи расмии мусобиқот, дар он аз ҷониби кишвари мо дорандаи ҷоизаи Бозиҳои олимпии Пекин Расул Боқиев (дар вазни то 73 кг), Ҷамшед Халилов (дар вазни то 60 кг), Фарҳод Раҳимов, Шералӣ Бозоров (ҳар ду дар вазни то 81 кг), Парвиз Собиров (дар вазни то 90 кг) ва Муҳаммадмурод Абдураҳмонов (дар вазни то 100 кг) қувваозмоӣ менамоянд.
Дар ин мусобиқот ҷамъ 949 нафар дзюдочиёни 136 мамлакат иштирок мекунанд.
