Мусобиқаи футбол дар байни дастаҳои дастгоҳи марказӣ ва сохторҳои зертобеи Вазорати тандурустӣ ҷамъбаст гардид.
Душанбе, 8 август -Ин тадбир бахшида ба 20 – солагии Истиқлолияти давлатии Ҷумҳурии Тоҷикистон ва иди касбии табибон – 18 август ҷараён гирифт.
Ин мусобиқа, ки муддати як моҳ идома дошт, баъди ҷамъбаст ҷойи якум насиби дастаи беморхонаи шаҳрии ёрии таъҷилӣ, ҷойи дуввум насиби дастаи марказии ҷумҳуриявии ташхиси судӣ, ҷойи саввум насиби футболбозони Маркази миллии тиббӣ гардид. Ғолибон бо Ҷом, ифтихорнома ва тӯҳфаҳои хотиравӣ сарфароз гардиданд. Ҳамчунин дар назар аст, ки бахшида ба ҷашнҳои бузург маҷлиси тантанавӣ доир гардад.
Ва теъдоди хеле зиёди кормандони тиб бо унвонҳои Аълочии Вазорати тандурустӣ ва ифтихорномаҳо сарфароз хоҳанд шуд.
