Се бозии «Истиқлол» ба вақти дигар гузаронида шуд
2 август 2011 | Хонданд: 338 нафар | Варзиш
Федератсияи футболи Тоҷикистон тасмим гирифт, ки се бозии даври сеюми мусобиқоти Тоҷикистон оид ба футболро бо иштироки дастаи «Истиқлол» - и шаҳри Душанбе ба вақти дигар гузаронид.
Душанбе, 2 август - Тавре сомонаи расмии Клуби футболи «Истиқлол» иттилоъ медиҳад, сабаби ба вақти дигар гузаронидани бозиҳои дастаи мазкур ба мусобиқоти хотимавии Ҷоми президенти Конфедератсияи футболи Осиё тайёрӣ дидани дастаи футболи «Истиқлол» аст.
Мусобиқоти хотимавӣ барои дарёфти Ҷоми президенти Конфедератсияи футболи Осиё аз 19 то 25 сентябр дар шаҳри Тайбэи Ҷумҳурии Мардумии Чин баргузор мешавад.
Дастаи «Истиқлол» бозии аввали худро дар даври сеюми мусобиқоти мамлакат 17 август бо дастаи «Парвоз» мегузаронад. Баъди чор рӯз дастаи Олимҷон Рафиқов бо дастаи футболи «Хуҷанд» қувваозмоӣ менамояд.
