27 июл дар қароргоҳи СММ Котиби генералӣ Пан Ги Мун ва намояндаи доимии Британияи Кабир дар СММ Марк Лайалл Грант ба ҳисоби вақт
то оғози Бозиҳои олимпии 2012 шурӯъ намуданд.
Душанбе, 29 июл. - Маросими ба кор андохтани соат – нусхаи кӯчаки соати калони олимпӣ, ки моҳи март дар майдони Трафалгари шаҳри Лондон гузошта шуд, бо иштироки даванда Карл Люис сурат гирифт.
Сарвари СММ хотирнишон сохт, ки Лондон аввалин шаҳре мегардад, ки Бозиҳои олимпиро се маротиба - дар солҳои 1908, 1948 ва 2012 мепазирад. Пан Ги Мун зикр намуд, ки бозиҳои олимпӣ ба рушди устувори варзиш мусоидат менамоянд ва итминон дод, ки ин самтро авлавияти кори худ қарор медиҳад.
Хотирнишон месозем, ки то имрӯз дастаи мунтахаби олимпии Тоҷикистон барои иштирок дар Бозиҳои олимпии соли 2012 ҳамагӣ як роҳхат дорад, ки онро ҳам гурзандоз, президенти Федератсияи варзиши сабуки Тоҷикистон Дилшод Назаров ба даст овардааст.
