Деҳқонони ноҳияи Турсунзода соли ҷорӣ ният доранд дар масоҳати 4 ҳазору 132 гектар кишти такрорӣ гузаронанд.
Турсунзода, 12 июл. - Бо ин мақсад онҳо дар баробари ҷамъоварии ҳосили якум ба парвариши шолӣ, ҷуворимакка, зироати лӯбиёгӣ, картошка, помидор, бодиринг, карам ва полезиҳо диққати ҷиддӣ медиҳанд.
Тибқи иттилои сардори раёсати кишоварзии шаҳр Ҳабибулло Муллоев то имрӯз дар масоҳати зиёда аз 65 фоиз замин кишти такрорӣ гузаронида шудааст. Баъзе хоҷагиҳои пешқадам, аз ҷумла хоҷагии «Дӯстӣ», «Наврӯз» ва «Ҳақиқат» нақшаи кишти такрориро бомуваффақият ба анҷом расониданд.
