Душанбе, 4 июл. - Дар анҷуман ҳисоботи раҳбари ҳизб оид ба фаъолияти панҷсолаи Ҳизби коммунистии Тоҷикистон шунида шуда, ҳамзамон роҳбари нави ҳизб интихоб карда мешавад.

Дар анҷуман фаъолони ҳизб аз тамоми минтақаҳои кишвар даъват гардида, бинобар мушкилоти молиявии ҳизб намояндагони ҳаракатҳои байналмилалии коммунистӣ ва коммунистон аз кишварҳои хориҷӣ таклиф нашудаанд.
Шодӣ Шабдолов гуфт, ки алҳол Ҳизби коммунистии Тоҷикистон дар сафи худ 45 ҳазор аъзо дошта, танҳо дар давоми 5 соли охир шумораи аъзоёнаш 5 ҳазор афзудааст, ки 60 % -ро ҷавонон ва 40%-ро занон ташкил медиҳад.