Душанбе, 4 июл. - Кумитаи сулҳ ва ризоияти Ҷумҳурии Тоҷикистон, Маркази таҳқиқи Афғонистон ва минтақа, Созмони мухтори ғайритиҷоратии «Маркази техноложии сиёсии «Полит – Контакт» ташаббускори ин чорабинӣ ба шумор мераванд.

Иштирокдорони конфронс як қатор масъалаҳои муҳими марбут ба ҷиҳатҳои иҷтимоии ихтилофоти Афғонистон (тағйирот ва тамоюлҳо), омилҳои сиёсӣ ва хусусияти онҳо дар ихтилофоту низои Афғонистонро мавриди баррасӣ қарор медиҳанд. Масоили омилҳои фарҳангию инсондӯстӣ ва имконияти тағйир додани онҳо ҳамчун асосҳои рушди сулҳофарӣ низ муҳокима мешаванд.

Ба барнома ду мавзӯи муҳим аз ҷумлаи сулҳофарӣ дар Ҷумҳурии Исломии Афғонистон, ҷустуҷӯи роҳҳои нав ва омилҳои байналмилалӣ дар низоъ ва сулҳофарӣ дар сарзамини Афғонистон: ҳамсояҳо, ИМА, Аврупо, Созмонҳои байналмилалӣ ва минтақавӣ дохил карда шудааст.