Матбуот чун оинаи ҳаёт дар инъикоси ҳар як соҳаи зиндагӣ нақши муассир дорад.
Турсунзода, 29 июн. - Ҳафтаномаи «Алюминийи Тоҷикистон», ки дар инъикоси воқеаҳои муҳими корхонаи азими мамлакат – «Корхонаи алюминийи тоҷик» саҳми бориз дорад, 35-сола мешавад.
Бояд гуфт, ки тӯли 35 соли фаъолияташ рӯзномаи мазкур дар бораи фаъолияти пурсамари садҳо коргарону мутахассисон хабару мақолаҳои ҷолиб ба табъ расонда, таҷрибаи пешқадамро тарғибу ташвиқ ва камбудиву норасоиҳоро ошкору зери тозиёнаи танқид гирифтааст. Алҳол ҳафтаномаи мазкур дар ҳаҷми 16 саҳифа бо расмҳои ҷолиб ва хабару мақолаҳои хонданбоб ба табъ мерасад.
