27 июни соли ҷорӣ бо ибтикори Кумитаи давлатии сармоягузорӣ ва идораи амволи давлатии ҶТ ҷаласаи якуми Шӯрои сармоягузорони Тоҷикистону Арабистони Саудӣ баргузор гардид.
Душанбе, 28 июн. - Дар кори ҷаласаи Шӯрои сармоягузорони Тоҷикистону Арабистони Саудӣ Сарвазири Ҷумҳурии Тоҷикистон Оқил Оқилов ширкат намуд. О. Оқилов ба иштирокдорон дар бораи муҳити сармоягузорӣ, иқтидори захираҳои Тоҷикистон ва дурнамои лоиҳаҳои сармоягузорӣ маълумот дод.
Дар мулоқот намояндагони 30 корхонаи бузурги Арабистони Саудӣ, ки ба лоиҳаҳои сармоягузории соҳаҳои гуногуни иқтисодиёти Тоҷикистон, аз қабили таъсиси корхонаҳои истеҳсоли маводи пластикӣ, коркарди маҳсулоти хоҷагии қишлоқ, ҳавонавардӣ, сайёҳӣ ва дигар соҳаҳои хоҷагии халқ ҳавасманд, ширкат варзиданд.
Ҳайати соҳибкорони Арабистони Саудӣ дар чаҳорчӯбаи сафари худ аз иншооти азими Тоҷикистон НБО «Норак» ва «Корхонаи алюминийи тоҷик» дидан намуданд.
