Афзоиши субъектҳои соҳибкорӣ
23 июн 2011 | Хонданд: 405 нафар | Ҷамъият
Дар давоми 5 моҳи аввали соли ҷорӣ дар ҷумҳурӣ беш аз 14 ҳазору 400 субъекти нави соҳибкорӣ ба қайд гирифта шудааст, ки нисбат ба ҳамин давраи соли гузашта 15,5 фоиз зиёд аст.
Душанбе, 23 июн. - Тибқи маълумоти Кумитаи андози назди Ҳукумати ҷумҳурӣ афзоиши соҳибкорӣ дар асоси иҷрои дастуру супоришҳои Президенти ҶТ дар самти беҳтарсозии фазои соҳибкорию сармоягузорӣ ва баррасии лоиҳаи Барномаи беҳтар намудани шароити сармоягузорӣ ва соҳибкорӣ дар соҳаи сохтмон барои солҳои 2011 – 2012 сурат мегирад.
Бо ин мақсад Кумитаи давлатии сармоягузорӣ ва идораи амволи давлатӣ лоиҳаи қарори Ҳукумати Ҷумҳурии Тоҷикистон «Дар бораи тақвият бахшидани раванди ислоҳоти иқтисодӣ оид ба беҳтар намудани фазои сармоягузорӣ дар Ҷумҳурии Тоҷикистон» -ро таҳия ва барои баррасӣ ба идораҳои марбута ирсол намудааст.
