Душанбе, 22 июн. - Ин чорабинӣ ба ифтихори 20-умин солгарди ҷашни Истиқлолияти давлатии Ҷумҳурии Тоҷикистон ва Рӯзи Ваҳдати миллӣ гузаронида шуда, дар он шаҳрвандони синнашон аз 15 боло ҳуқуқи иштирок карданро доранд. Мусобиқа аз назди муҷассамаи Исмоили Сомонӣ, хиёбони Рӯдакӣ оғоз гардида, баъдан ба самти меҳмонхонаи «Пойтахт», кӯчаи Айнӣ- хиёбони Саъдии Шерозӣ-кӯчаи Лермонтов –хиёбони Ҳофизи Шерозӣ-Наврӯзгоҳ-Товус (гардиши кӯчаи Карамов)- дидбонгоҳи Чорбоғ ҷараён мегирад ва аз он ҷо гардиш намуда, тавассути хиёбони Рӯдакӣ (Тоҷиксемент то воданасос) ба самти кӯчаи Умари Хайём –Мирзо Турсунзода идома ёфта, дар майдони Спитамен (Спартак) анҷом меёбад. Алҳол, марҳиллаи интихоб ва сабти номи иштирокчиёни мусобиқа дар сатҳи ноҳияҳо ҷараён дорад. Интизор меравад, ки вобаста ба омодасозии гурӯҳҳои дучархасаворӣ дар пойтахт мактаби махсуси захираҳои олимпии намуди дучархаронӣ таъсис дода шавад. Ғолибони мусобиқаро тӯҳфаҳои хотиравӣ интизор аст.