ҳавзи шиноварӣ, хиёбони Исмоили Сомонӣ ва «Кохи матбуот» дар маркази вилоят дидан намуд.

Душанбе, 20 июн. - Маҷмааи солимгардонӣ ва фароғатии бачагонаи «Уқобча» дар мавзеъи сабзу хуррами деҳаи Деҳмойи ноҳияи Ҷаббор Расулов бунёд гардида, ба наздикӣ дар арафаи таҷлили ҷашни 20-солагии Истиқлолияти давлатии Ҷумҳурии Тоҷикистон мавриди баҳрабардорӣ қарор хоҳад гирифт.

Раиси вилояти Суғд дар ситоди вилоятӣ, ки дар мавзеъи сохтмон баргузор гардид, ба масъулини соҳаҳои мухталиф, аз ҷумла раёсатҳои маорифу тандурустӣ, иттифоқҳои касабаи вилоятӣ, бунёдкорони иншоот дастуру супоришҳо дода, таъкид дошт, ки қабули аввалин истироҳаткунандагон дар сатҳи баланд ба роҳ монда шавад.

Баҳри саривақту босифат ва дар муддати муайянгардида бунёд гардидани ин маҷмаа аз буҷети вилоятӣ беш аз 25 миллион сомонӣ маблағ ҷудо гардидааст.

Яке аз иншооте, ки ба ифтихори 20-солагии Истиқлолияти давлатии Ҷумҳурии Тоҷикистон дар вилояти Суғд, дар қатори 200 иншооти ҷашнӣ бунёд мегардад, «Кохи матбуот» аст.

Қоҳир Расулзода аз рафти корҳои сохтмонӣ дар «Кохи матбуот» дидан намуд. Бояд гуфт, ки арзиши лоиҳавии ин иншоот беш аз 20 миллион сомонӣ буда, алҳол дар он 148 нафар сохтмончиён пурсамар меҳнат мекунанд.