Таҳти чунин унвон дар Маркази тадқиқоти стратегии назди Президенти Ҷумҳурии Тоҷикистон ба истиқболи 20 - умин солгарди Истиқлолияти давлатии Ҷумҳурии Тоҷикистон конфронси илмӣ - омӯзишии коршиносони соҳа баргузор гардид.
Душанбе, 16 июн. - Дар ҷаъмомад зикр гардид, ки мавзӯи мазкур яке аз масъалаҳои актуалӣ дар шароити кунунии кишвари соҳибистиқлол ба ҳисоб меравад, зеро раванди бархӯрди тамаддунҳои башарӣ моро водор месозад, ки арзишҳои динию мазҳабиро бо тамоми шаклҳои ба миллати мо хос, ҳамчун қисми таркибии фарҳанг ва андешаи миллӣ бояд эҳё намоем.
Дар ин замина, қайд гардид, ки эътиқод ба дину мазҳаб бе таъмини амният ва истиқлолияти давлатӣ арзише надорад. Воқеоти вақтҳои охир дар як қатор кишварҳои олам, аз ҷумла ҷаҳони араб рухдодаро иштирокчиён ҳамчун мисоли рӯшан ба андешаҳои баёнкардаашон маънидод карданд. Роҳе, ки ҷомеаи Тоҷикистон меравад озодиҳои сиёсӣ ва динию мазҳабиро барои ҳар як нафар фароҳам овардааст.
