инчунин маблағгузорӣ ва таҳсил намудан дар онҳо ҷавобгарии ҷиноятӣ муқаррар шуда, ба ташкилкунандагони чунин муассисаҳои таълимӣ ҷазои маҳрум аз озодӣ ба мӯҳлати аз 5 то12 сол пешбинӣ мешавад. Матлаби мазкурро Абдураҳим Қаҳҳоров, вазири корҳои дохилии ҷумҳурӣ зимни тавзеҳи лоиҳаи қонун дар назди вакилони палатаи поёнии парлумони мамлакат баён кард. Мавсуф гуфт, ки зарурати муқаррар кардани ҷавобгарии ҷиноятӣ барои чунин кирдор ба он асоснок карда мешавад, ки дар ҷумҳурӣ равияҳои гуногуни динию ифротгаро вуҷуд доранд, ки таълимоти онҳо ҳисси бадбинӣ, кинаву адоватро дар байни мардум меангезанд.

Вазир зикр кард, ки ворид намудани тағйиру иловаҳо ба Кодекси ҷиноятии Ҷумҳурии Тоҷикистон» ҷиҳати такмил ва мутобиқгардонии он ба Қонуни Ҷумҳурии Тоҷикистон «Дар бораи маҷлисҳо, гирдиҳамоиҳо, намоишҳо ва роҳпаймоиҳо» ва таъмини ҳимояи ҳуқуқу озодиҳои инсон ва шаҳрванд таҳия ва пешниҳод шудааст.

Инчунин, тибқи ворид намудани тағйиру иловаҳо ба Кодекси ҷиноятии ҷумҳурӣ, ки дар асоси пешниҳоди Ҳукумати ҷумҳурӣ ҷараён мегирад, нисбат ба ташкилкунандагон ва шахсони фаъоли маҷлисҳо, намоишҳо, гирдиҳамоиҳо, роҳпаймоиҳо ва пикетгузориҳо аз 2 то 5 соли маҳрумият аз озодӣ пешбинӣ мешавад.