Созишнома дар бораи ҳамкорӣ байни ҳукуматҳои давлатҳои аъзои Созмони ҳамкории Шанхай (СҲШ) оид ба мубориза бо ҷинояткорӣ 15 июни соли равон аз ҷониби парлумони Тоҷикистон тасдиқ гардид.
Душанбе, 15 июн. - Вазири корҳои дохилии Ҷумҳурии Тоҷикистон Абдураҳим Қаҳҳоров санади мазкурро дар парлумон шарҳ дода, гуфт, ки Созишнома 11 июни соли 2010 дар Тошканд ба имзо расида, он аз муқаддима ва 14 модда иборат аст.
Самти асосии Созишнома барои рушди фаъолонаи ҳамкориҳо байни ҳукуматҳои давлатҳои аъзои СҲШ дар мубориза бо ҷинотякорӣ, хусусан ҷиноятҳои муташаккили хусусияти трансмиллидошта, равона шудааст. Тибқи Созишномаи мазкур ҳукуматҳои давлатҳои аъзои СҲШ дар огоҳнамоӣ, пешгирӣ, ошкор, кушодан ва тафтишоти ҷиноятҳо, аз ҷумла ҷиноятҳои аз ҷониби гурӯҳҳои муташаккил содир гардида, ҳамкорӣ менамоянд.
Санади мазкурро парлумони Тоҷикистон дар ҳоле тасдиқ кард, ки 14 -15 июни соли равон дар пойтахти Қазоқистон –шаҳри Остона Саммити сарони кишварҳои аъзои СҲШ баргузор гардид.
