ки дар он наздики 40 масъалаи ҳаётан муҳими фарогири бахшҳои сиёсию иқтисодӣ ва иҷтимоию фарҳангии кишвар баррасӣ ва ҷонибдорӣ гардиданд.

Душанбе, 9 июн. - Инҳо, Қонунҳои Ҷумҳурии Тоҷикистон «Дар бораи ворид намудани тағйиру иловаҳо ба Кодекси иҷрои ҷазои ҷиноятии Ҷумҳурии Тоҷикистон», «Кодекси ҳуқуқвайронкунии маъмурии Ҷумҳурии Тоҷикистон», Қонунҳои Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи санадҳои ҳуқуқӣ», «Дар бораи милитсия», «Дар бораи ба меъёрдарории техникӣ», «Дар бораи хоҷагиҳои ёрирасони шахсӣ», «Дар бораи партовҳои истеҳсолӣ ва истеъмолӣ», «Дар бораи ба қайдгирии давлатии асноди ҳолати шаҳрвандӣ», «Дар бораи фарҳанг», «Дар бораи ҷавонон ва сиёсати давлатии ҷавонон»,»Дар бораи мусоидат ба шуғли аҳолӣ» мебошанд.

Раисони Кумитаҳои палатаи болои парлумони мамлакат Мамадшо Илолов, Матлубхон Давлатов, Давлатшо Гулмаҳмадов, Убайдулло Қурбонов ва Муним Холиқов масъалаҳои зикршударо тавзеҳ дода, гуфтанд, ки зарурати қабули қонунҳо такмили қонунгузории кишвар ва аз байн бурдани баъзе мухолифатҳои байни қонунҳо буда, ба тақвияти волоияти қонун, таъмини озодиҳои инсон ва шаҳрванд дар ҷомеа, баланд бардоштани вазъи иқтисодию иҷтимоии аҳолии ҷумҳурӣ мусоидат менамоянд.
Дар иҷлосияи панҷуми палатаи болоии парлумони мамлакат ҳамчунин, нақшаи чорабиниҳои Маҷлиси миллии Маҷлиси Олии Ҷумҳурии Тоҷикистон доир ба Паёми Президенти Ҷумҳурии Тоҷикистон аз 20 апрели соли 2011 «Дар бораи самтҳои асосии сиёсати дохилӣ ва хориҷии Ҷумҳурии Тоҷикистон» тасдиқ гардида, ба Дастури Маҷлиси миллии Маҷлиси Олии Ҷумҳурии Тоҷикистон тағйиру иловаҳо ворид карда шуд.