Конфронс бахшида ба 20-солагии Истиқлолияти Тоҷикистон дар Минск
8 июн 2011 | Хонданд: 382 нафар | Ҷамъият
Имрӯз, 8 июн дар шаҳри Минск Конфронси илмии байналхалқӣ дар мавзӯи «20 соли Истиқлолияти Ҷумҳурии Тоҷикистон ва 15 –солагии муносибатҳои дипломатии Ҷумҳурии Тоҷикистон бо Ҷумҳурии Белорус» баргузор мегардад.
Душанбе, 8 май. - Чорабинии мазкур бо ибтикори Сафорати Тоҷикистон дар Ҷумҳурии Белорус дар якҷоягӣ бо Кумитаи иҷроияи ИДМ, Парлумон, Вазорати корҳои хориҷӣ ва Академияи идороти назди Президенти Ҷумҳурии Белорус ташкил мешавад.
Дар конфронси мазкур иштироки олимони белорусӣ, сиёсатмадорон ва дигар шахсони ваколатдори Ҷумҳурии Белорус дар назар аст. Муовини аввали раиси Кумитаи иҷроия-котиби иҷроияи ИДМ дар мавзӯи «Тоҷикистон ҳамчун аъзои комилҳуқуқи ИДМ» дар ин ҳамоиш маърӯза хоҳад кард.
Дар ин бора ба АМИТ «Ховар» аз маркази матбуоти Кумитаи иҷроияи ИДМ иттилоъ доданд.
