Аз соли 2010 инҷониб дар минтақаи Кӯлоби вилояти Хатлон соҳилбандӣ дар сойҳои минтақа бо роҳи ҳашар ба роҳ монда шудааст.
Душанбе, 6 июн. - Сардори Иттиҳодияи истеҳсолии таъмиру истифодабарии мелиоративии минтақаи Кӯлоб Н. Худойдодов зикр намуд, ки бо ин усул 334 метри мураббаъ сойи Даҳана, дар қитъаи Ҷерқалъаи он 900 метри мураббаъ, дар сойи Зиракӣ - 680, дар соҳили чапи дарёи Яхсу – 800, дар қисмати рости он – дар қитъаи хоҷагии ниҳолпарварӣ ва Хоҷаэшон 8 ҳазору 850 метри мураббаъ соҳилҳо мустаҳкам карда шуданд.
Бояд тазаккур дод, ки дар сойи Тебалай, ки айни замон дар мувозинаи идораи коммуналии шаҳри Кӯлоб қарор дорад, як қатор корҳои барқарорсозӣ гузаронида шуда бошанд ҳам, қисмати зиёди он ҳанӯз дар ҳолати ногувор қарор дорад.
