Душанбе, 2 июн. - Ин марҳила аз сохтани давоми канали Данғара -2 оғоз ёфта, дарозии он 32 км хоҳад буд ва баробари пурра сохта шудани ин канал 1 ҳазору 750 гектар заминҳои соҳили рости Оби Тоҳир оббёрӣ мегарданд.

Хати канали Данғара – 3 аз болои 11 селпарто гузашта бо қубурҳои оҳану бетонӣ ва бо меъёрҳои баланди муҳандисӣ сохта мешавад.

Дар ин марҳила ғайр аз ширкатҳои туркӣ Корпоратсияи давлатии «Асри нав»-и Ҷумҳурии Мардумии Чин ва Фонди Кувайт барои сармоягузорӣ ширкат варзидан мехоҳанд.

Корпоратсияи давлатии чинии «Асри нав» ҳавасмандии худро дар обёрии заминҳои Қуруқсою Ғарғара изҳор доштааст.

Боиси зикр аст, ки оби канали Данғара -2 то километри 26-ум аз тариқи заминӣ, сипас аз болои дарёи Оби Тоҳир ба дарозии 3,5 км бо қубурҳои оҳанӣ гузаронида шуда, боз 4 км масофаи боқимонда аз тариқи канали оҳану бетонӣ сохта шуда, марҳилаи дуюми обёрии даштҳои Данғара анҷом дода мешавад.