Душанбе, 2 июн. - Дар ҷаласа роҳбарон ва мутахассисон аз 12 мақомоти андози давлатҳои хориҷӣ: Озарбойҷон, Арманистон, Белорус, Қазоқистон, Қирғизистон, Молдова, Федератсияи Русия, Тоҷикистон, Украина ва инчунин Латвия, Литва ва Эстония иштирок намуданд.

Таваҷҷӯҳи асосии иштирокчиёни ҷаласа ба масъалаҳои ҳамкории гуногунпаҳлӯи байналмилалӣ зоҳир гардид. Аз ҷумла, масъалаҳои иҷрои Нақшаи чорабиниҳо доир ба амалигардонии давраи аввали Стратегияи рушди иқтисодии ИДМ (солҳои 2009-2011) барои давраи то соли 2020, тартиби татбиқи Шартнома оид ба принсипҳои ситонидани андозҳои ғайримустақим мавриди содироту воридоти маҳсулот (корҳо, хизматрасониҳо) байни давлатҳои узви ИДМ аз 25 ноябри соли 1998, таъсиси муассисаи омӯзишӣ барои тайёркунӣ ва такмили дониши кадрҳои мақомоти андози давлатҳои узви ИДМ баррасӣ гардиданд. Инчунин, ба таваҷҷӯҳи аъзои Шӯро таҳлили нишондиҳандаҳои асосии фаъолияти системаҳои андози давлатҳои узви ИДМ ва миқдори сарбории андоз ба иқтисодиёти давлатҳо, тағйироту иловаҳои ба қонунгузории андоз аз 1 январи соли 2011 воридшуда пешкаш шуданд. Нақшаи кории Шӯрои ҳамоҳангсозии роҳбарони мақомоти андози давлатҳои узви ИДМ барои соли 2011 тартиб дода шуда, раиси он барои давраи навбатӣ низ интихоб шуд. Мувофиқи низомнома раисӣ дар Шӯро ба Хадамоти давлатии андози Украина супорида шуд.

Дар якҷоягӣ бо ҷаласаи XVIII-уми Шӯрои ҳамоҳангсозии роҳбарони мақомоти андози давлатҳои узви ИДМ дар шаҳри Ялта ҷаласаи XXVII-уми Шӯрои роҳбарони мақомоти андози давлатҳои узви Иттиҳои иқтисодии Аврупову Осиё (ЕврАзЭС) низ баргузор гардид.