Бахшида ба Рӯзи байналмиллалии ҳимояи кӯдакон дар мактаб – интернатҳо, хонаи кӯдакон ва муассисаҳои махсуси томактабии вилояти Суғд як қатор чорабиниҳо баргузор гардиданд.
Душанбе, 1 июн. - Аз хадамоти матбуоти раиси вилояти Суғд ба мо иттилоъ доданд, ки ба кӯдакони мактаб – парваришгоҳи махсус барои кӯдакони нуқсондори ноҳияи Б.Ғафуров, мактаб – парваришгоҳи махсус барои кӯдакони қувваи босираашон сусти шаҳри Исфара, парваришгоҳи кӯдакони ятиму бепарастор ва аз оилаҳои камбизоати шаҳру ноҳияҳои Чкалов, Конибодом, Хуҷанд, Истаравшан, Спитамен, Ашт, Ҷ.Расулов, Айнӣ, Шаҳристон ва Кӯҳистони Мастчоҳ аз ҷониби роҳбарони идораву корхонаҳо, ташкилотҳо ва сарпарастон кӯмакҳои моддӣ расонида шуданд.
Бояд зикр намуд, ки ба кӯдакони маъюбу бепарастор ва ниёзманд, аз ҷумла Корхонаи фаръии давлатии «Корхонаи ҳавопаймоии Суғд»-и КВДҲ «Тоҷик-Эйр», Ҷамъияти саҳомии пӯшидаи «Хуҷанд-Инвест-Коттон», хоҷагии гази шаҳри Исфара, ширкати «Нур», Ҷамъияти дорои масъулияташ маҳдуди «Вавилон Мобайл»,Ҷҷамъияти дорои масъулияташ маҳдуди «Ҳадид», Ҷамъияти саҳомии «Сорбон» ва дигарон сарпарастӣ намуданд.
