Бо фармони Президенти Ҷумҳурии Қазоқистон Нурсултон Назарбоев Агибай Смагулов сафири Ҷумҳурии Қазоқистон дар Тоҷикистон тайин гардид.
Душанбе, 31 май. - Дар ин бора сомонаи расмии сарвари Қазоқистон хабар дод.
«Бо Фармони сарвари давлат Смагулов Агибай Динкенович аз вазифаи сафири фавқулодда ва мухтори Ҷумҳурии Қазоқистон дар Ҷумҳурии Исломии Афғонистон озод шуда, сафири фавқулодда ва мухтори Ҷумҳурии Қазоқистон дар Ҷумҳурии Тоҷикистон таъин карда шавад»-омадааст дар хабаре, ки дар сомонаи Президенти Қазоқистон ҷойгир аст.
Ёдовар мешавем, ки Смагулов ба ҷойи Абдулатип Ахмедов, ки 10 ноябри соли гузашта аз бемории сактаи дил вафот карда буд, интихоб шуд.
