9 июни соли 2011 дар шаҳри Душанбе иҷлосияи панҷуми Маҷлиси миллии Маҷлиси Олии Ҷумҳурии Тоҷикистон даъвати чорум баргузор мегардад.
Душанбе, 24 май. - Дар ин хусус Маҳмадсаид Убайдуллоев Раиси Маҷлиси миллии Маҷлиси Олии Ҷумҳурии Тоҷикистон қарор ба тасвиб расонид.
Интизор меравад, ки дар иҷлосияи панҷуми палатаи болоии парлумони Тоҷикистон Қонунҳои Ҷумҳурии Тоҷикистон «Дар бораи амният», «Дар бораи Бонки миллии Тоҷикистон», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи санадҳои меъёрии ҳуқуқӣ», «Оид ба ворид намудани иловаҳо ба Қонуни Ҷумҳурии Тоҷикистон «Дар бораи энергетика», «Дар бораи ворид намудани иловаҳо ба Кодекси оби Ҷумҳурии Тоҷикистон» баррасӣ ва ҷонибдорӣ мегарданд.
Аз Шӯрои палатаи болои парлумони мамлакат ба АМИТ «Ховар» иттилоъ доданд, ки дар иҷлосия ҳамчунин дигар қонунҳою санадҳои ҳуқуқӣ ва дигар масъалаҳои марбут ба ҳаёти иқтисодию иҷтимоӣ ва фарҳангии кишвар мавриди муҳокима қарор дода мешаванд.
