Душанбе, 19 май. - Дар маросими кушодашавии боғ сафири фавқулодда ва мухтори Ҷумҳурии Тоҷикистон дар Ҷумҳурии Исломии Эрон Давлаталӣ Ҳотамов ва раиси шаҳри Караҷ Сайидалӣ Оқозода иштирок намуданд.

Масоҳати боғи мазкур ду гектар буда, навбати аввали корҳои сохтмонии он ба анҷом расидаанд ва навбати дуюм то охири соли ҷорӣ анҷом хоҳад ёфт. Як қисмати боғ, ки айни замон мавриди истифодаи сокинони Караҷ қарор гирифта гулу гулкорӣ шудааст, дорои як қаҳвахонаи суннатии эронӣ низ мебошад.

Пас аз маросими кушодашавии боғи «Тоҷикистон» бо иштироки Давлаталӣ Ҳотамов ва Сайидалӣ Оқозода дар қаҳвахонаи боғ нишасти матбуотӣ доир гардид, ки дар он масоили ҳамкориҳои дуҷониба ва ободонии боғ бо истифода аз суннатҳои тоҷикӣ муҳокима гардид.