Меҳрнигори Рустам ҷоиза гирифт
19 май 2011 | Хонданд: 459 нафар | Ҷамъият
Бо қарори ҳайати мушовараи Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон аз 27 апрели соли равон гирандагони ҷоизаҳои Кумита дар соҳаи адабиёт, рӯзноманигорӣ, санъат ва меъморӣ муайян гардиданд.
Душанбе, 19 май. - Аз ҷумла, дар соҳаи рӯзноманигорӣ Абдурақиб Қодиров- сармуҳаррири рӯзномаи «Ватанпарвар», Абдулазиз Восиев- хабарнигори ҳафтаномаи «Озодагон», Илҳомҷон Ҳамидов- номзади илмҳои филологӣ, Абдувалӣ Нодиров- мухбири радиои «Садои Душанбе», Насрулло Тӯйчизода- узви Иттифоқи журналистон ғолиб омаданд.
Ҳамчунин, Нигина Амонқулова- овозхони ансамбли давлатии «Дарё», Муҳаммадрофеи Кароматулло- роҳбари бадеии ансамбли эстрадии «Ориё»-и Кумитаи телевизион ва радио ва Меҳрнигори Рустам- хонандаи синфи 11-и мактаби байналмилалии шаҳри Душанбе соҳиби ҷоизаи Кумитаи ҷавонон, варзиш ва сайёҳӣ дар соҳаи санъат гардиданд.
