«Даҳ рӯзи ҷавонӣ» дар Қубодиён
19 май 2011 | Хонданд: 440 нафар | Ҷамъият
Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ҷиҳати иҷрои Амри Президенти Ҷумҳурии Тоҷикистон дар самти дастгирии иҷтимоии ятимону бепарасторон корҳои зиёди хайрхоҳонаро анҷом медиҳад.
Душанбе, 19 май. - Бо ташаббуси Кумитаи мазкур санаи 19-уми майи соли равон дар ноҳияи Қубодиён ба пешвози 20- солагии Истиқлолияти давлатӣ ва дар доираи нақшаи чорабиниҳои «Даҳ рӯзи ҷавонӣ» баҳри рӯҳбаландии тарбиятгирандагони мактаб-интернати ноҳия барномаи фарҳангию фароғатӣ бо густурдани дастархони идона ва дастрасии маводи мавриди ниёз сурат мегирад. Пас аз хатми чорабинӣ ба кӯдакон тӯҳфаю либос тақдим мегардад.
