Душанбе, 16 май. - Маврид ба ёдоварист, ки 15 майи соли 2011 интихоботи вакили Маҷлиси намояндагони Маҷлиси Олии Ҷумҳурии Тоҷикистон ба ивази вакили хориҷшуда дар ҳавзаи якмандатии интихоботии Сино № 4 баргузор гардид.

Муовини раиси Комиссияи марказии интихобот ва райъпурсии Ҷумҳурии Тоҷикистон Кароматулло Холиқов зимни иттилои ҷамъбасти натоиҷи пешакии интихоботи мазкур ба хабарнигорон гуфт, ки дар ҳавзаи якмандатии интихоботии Сино №4 аз 68 ҳазору 266 нафар интихобкунанда 55 207 ё 81% иштирок намуда, ба тарафдории Азимов А.Н. 35 ҳазору 162 нафар ё 62,89%, ба Саидов Т.Б. 8 942 нафар ё 15,99%, ба Маннонов С.Т. 5 534 нафар ё 9,9%, ба Мирзоев М.Б. 4 243 нафар ё 7,59% ва зидди ҳамаи номзадҳо 1 151 нафар ё 2,16% овоз додаанд.

Ҳамин тавр, Азимов Амирқул Насимович, соли таваллудаш 1948, ки аз тарафи Конференсияи ҲХДТ пешбарӣ шуда буд, аз ин ҳавза вакили Маҷлиси намояндагони Маҷлиси Олии Ҷумҳурии Тоҷикистон интихоб гардид.