Дар чор моҳи аввали соли 2011 корхонаю муассисаҳои саноати хӯрокворӣ суръати афзоиши маҳсулотро зиёд намуданд.
Душанбе, 11 май. - Дар ин давра ба миқдори 49,9 тонна равғани растанӣ, 42,2 тонна маҳсулоти қаннодӣ, 695,5 тонна намак,10,1 ҳазор декалитр оби ҷав (пиво), 371,5 ҳазор дал нӯшокиҳои ғайриспиртӣ ва обҳои маъданӣ, 339,4 ҳазор қуттии шартӣ консерваи меваю сабзавот, 32 ҳазор декалитр арақ ва дигар маҳсулоти ниёзи мардумро истеҳсол намуданд.
Корхонаҳои зерсохтори КВД «Ғалла» ба маблағи 6,9 млн. сомонӣ маҳсулот истеҳсол карданд. Корхонаҳои ордбарории соҳаи мазкур дар ин давра ба миқдори 223 ҳазор тонна орд, корхонаҳои нонпазӣ 385 ҳазор тонна нон ва 473 тонна макарон истеҳсол намуданд.
