Дар маркази ҷамоати Тавдем вохӯрии раиси ноҳияи Роштқалъа Амоншоҳ Наврӯзшоев бо фаъолони ҷамоат баргузор гардид.
Хоруғ, 3 май. - Раиси ноҳия роҷеъ ба Паёми навбатии Президенти мамлакат Эмомалӣ Раҳмон ба Маҷлиси Олӣ сухан гуфта таъкид намуд,, ки паёми имсола фаъолияти ҳамаи сохторҳои хоҷагии мамлакатро дар даврони истиқлолият натиҷагирӣ намуда, самтҳои афзалиятноки рушди минбаъдаи онҳоро муайян намудааст.
Дар паём се самти асосӣ: истиқлолияти энергетикӣ, аз бунбасти коммуникатсионӣ баромадан ва таъминоти амнияти озуқаворӣ инъикоси пурраи худро ёфтаанд. Амоншоҳ Наврӯзшоев аз рушди ноҳия сухан гуфта иттилоъ дод, ки ноҳияи Роштқалъа дар даврони истиқлолият аз нав ташкил гардид. Танҳо давоми ду- се соли охир 25 адад бинои мактаб, 12 адад бунгоҳи тиббӣ бунёду таъмир гардиданд. 80 дар сади деҳаҳои ноҳия бо хати оби нӯшокӣ таъмин гардиданд. Дар маркази ноҳия варзишгоҳ, биноҳои нави Амонатбонк, «Почтаи тоҷик», идораи маориф сохта шуданд. Ба наздикӣ як нерӯгоҳи барқӣ бо иқтидори беш аз 10 мегаватт сохта шуд.
