Ҳашари умумишаҳрӣ то ҷашни Истиқлол
30 апрел 2011 | Хонданд: 499 нафар | Ҷамъият
Аз 30 апрел сар карда, то ҷашни Истиқлолияти давлатии Ҷумҳурии Тоҷикистон -9 сентябри соли 2011 дар пойтахт ҳар рӯзи шанбе ҳашари умумишаҳрӣ гузаронида мешавад
Душанбе, 29 апрел. - Ин тадбир бо мақсади ободу зебо гардонидани пойтахти ҷумҳурӣ ва омодагии ҳар чӣ бештар ба ҷашни пуршукӯҳи 20-умин солгарди Истиқлолияти давлатии Ҷумҳурии Тоҷикистон аз ҷониби шаҳрдории Душанбе роҳандозӣ мегардад.
Тибқи иттилои котиби матбуотии Раиси шаҳри Душанбе Шавкат Саидов ҷараёни корҳои омодагӣ ба 20-умин солгарди Истиқлолияти давлатии Ҷумҳурии Тоҷикистон ҳамарӯза дар сатҳи хонаву бино, маҳаллаву шаҳрак, корхонаву идораҳо ҷамъбаст карда мешавад.
