Ҷалби духтарон ба касбомӯзӣ
26 апрел 2011 | Хонданд: 514 нафар | Ҷамъият
Зиёда аз 7 ҳазор ҷавондухтарон аз ноҳияҳои дурдасти ҷумҳурӣ тариқи квотаи президентӣ дар донишгоҳу донишкадаҳои ҷумҳурӣ ба таҳсил фаро гирифта шудаанд, иброз доштанд масъулини Кумитаи кор бо занон ва оилаи назди Ҳукумати Ҷумҳурии Тоҷикистон.
Душанбе, 26 апрел. - Ҳамзамон, дар соли хониши 2010-2011 648 нафар духтар аз ноҳияҳои дурдаст тибқи квота ба мактабҳои олӣ қабул гардиданд.
Бо роҳхати Вазорати меҳнат ва ҳифзи иҷтимоӣ дар семоҳаи аввали соли равон 453 нафар зан бо ҷойи кори доимӣ, 75 нафар бо корҳои ҷамъиятӣ таъмин гашта, 1 ҳазору 854 нафар духтар ба касбомӯзӣ ҷалб гардиданд. Кумитаи кор бо занон ва оилаи назди Ҳукумати Ҷумҳурии Тоҷикистон барои бо кори доимӣ таъмин намудани ҷавондухтарон тадбирҳои зарурӣ меандешанд. Аз ҷумла, дар ҷамоати деҳоти Нусратулло Махсуми ноҳияи Рашт коргоҳи дӯзандагии «Ганҷина», филиалҳои ҷамъиятҳои саҳҳомии «Текстил» ва «Ёқут», инчунин дар маркази ноҳия коргоҳи тайёр намудани шириниҳо кушода шуд, ки ба ин васила 121 нафар бонувон бо ҷойи кор таъмин гардиданд.
