ва роҳбари гурӯҳи парлумонии Сенати Фаронса сенатор Дюле Андре дар Душанбе баррасӣ гардиданд.

Душанбе, 22 апрел. - Маҳмадсаид Убайдуллоев ташрифи ҳайати парлумони Фаронсаро ба Тоҷикистон шодбош гуфт. Мавсуф гуфт, ки ин сафар дар тавсеаи муносибатҳои байнипарлумонии ҳар ду давлат, ки дар доираи Ёддошти тафоҳуми миёни гурӯҳи дӯстӣ ва ҳамкории Маҷлиси миллии Маҷлиси Олии Ҷумҳурии Тоҷикистон ва Сенати Фаронса моҳи апрели соли 2009 ба имзо расидааст, самараи нек медиҳанд.

«Итминон аст, ки бобати пур намудани холигии ҳамкориҳо робитаву муносибатҳои байнипарлумонӣ дар сатҳи зарурӣ ба роҳ монда шуда, иқтидори парламентарҳои кишварҳо беш аз пеш барои ташкили фазо ва заминаи мусоиди ҳуқуқӣ мавриди истифода қарор гиранд», афзуд Раиси палатаи болоии парлумони мамлакат.

Сенатор Дюле Андре паёми шодбошии раиси Сенати Фаронса Жерар Ларшеро ба Маҳмадсаид Убайдулоев расонид ва афзуд, ки бо истифода аз ваколатҳояш бобати рушди ҳамкориҳои иқтисодию тиҷоратӣ, гуманитарӣ ва тавсеаи муносибатҳои байнипарлумонӣ, хусусан байни Маҷлиси миллӣ ва Сенати Фаронса тадбирҳои судмандро анҷом медиҳад.

Сенатори фаронсавӣ гуфт, ки фаъолияти гурӯҳҳои дӯстӣ ва ҳамкории байнипарлумонии миёни парлумонҳои ҳарду кишвар ҳадафрас хоҳад буд ва сафари ҳайати парлумонии Тоҷикистон ба Фаронса дар оянда ба тавсеаи муносибатҳои байнипарлумонии Тоҷикистону Фаронса мусоидат хоҳад кард.
Тибқи иттилои Шавкат Саидов- ёвари Раиси Маҷлиси миллӣ мулоқот дар фазои ҳусни тафоҳум ҷараён гирифта, дар он сафири Фаронса дар Тоҷикистон Анри Зиппер де Фабианӣ ҳузур дошт.