Татбиқи лоиҳаи таҷдиди қитъаи Душанбе-Данғараи роҳи нақлиётгарди Душанбе-Кулма аз муҳимтарин лоиҳаҳо барои иқтисодиёти Ҷумҳурии Тоҷикистон ба ҳисоб меравад.
Душанбе, 22 апрел. - Ин шоҳроҳи байналмилалӣ буда, дар ҷануб вилояти Хатлонро бо вилояти Бадахшони Кӯҳӣ ва баъдан бо шоҳроҳи Қароқуруми Ҷумҳурии Халқии Хитой мепайвандад.
Раиси Маркази татбиқи лоиҳаи сохтмони роҳи автомобилгарди Шоҳон-Зиғар Мухтор Неъматов 21 апрел зимни нишасти матбуотӣ ба хабарнигорон гуфт, ки маблағи умумии марҳилаи якум 51 млн. 578 ҳазор доллари ИМА-ро ташкил медиҳад, ки аз ин 49. млн. доллар қарзи Бонки содироту воридоти Ҷумҳурии Тоҷикистон мебошад.
Мақсад аз татбиқи лоиҳа мусоидат намудан дар рушди иҷтимоӣ ва иқтисодии қисматҳои ҷанубу ғарбии Ҷумҳурии Тоҷикистон, ҷиҳати таҷдид ва барқарор намудани қитъаи Душанбе-Данғараи роҳи нақлиётгарди Душанбе-Кулма, сохтмони қубурҳо, кӯпрукҳо, сохтмони нақби «Чормағзак» ва дигар иншооти ёрирасон мебошад.
Лоиҳаи таҷдиди марҳилаи 1-уми қитъаи Душанбе-Данғараи роҳи автомобилгарди Душанбе-Кулма ба ду марҳила ҷудо карда шудааст ва корҳои сохтмонӣ дар ҳар ду марҳала бо суръат пеш рафта истодаанд.
